O MAGOSTO TAMÉN FOI NA BIBLIO

AS FESTAS SINALADAS SON MOMENTOS ESPECIAIS PARA A NOSA BIBLIOTECA. ESTE ANO, UNHA DAS PARTES DA FESTA FOI A ELABORACIÓN DUN PRECIOSO DIPLOMA DE PARTICIPACIÓN NA MARATONIANA XORNADA DE XOGOS POPULARES E CASTAÑAS QUE VIVIMOS O DÍA 11 DE NOVEMBRO DO 2013.

 

O QUIXOTE INSPIROU AOS NOSOS BIBLIOTECARI@S

HAI XA DOUS ANOS QUE CERVANTES INSPIRA UNHA INFINIDADE DE EXPERIENCIAS, E O QUIXOTE SEMPRE NOS ENGANCHA!! AÍ QUEDAN OS DOUS TRABALLOS ESTRELA DESTE ANO INSPIRADOS NESTA MAGNÍFICA OBRA, E ESTE ANO, COMO NON, COS BIBLIOTECARI@S EN ACCIÓN LEVANDO A BATUTA.

 

DÍA DA POESÍA: REGALANDO UN POEMA DE CERVANTES

AÍNDA QUE O LEMA DE ABRIL ÍA SER: EN ABRIL...LIBROS MIL!!, XA EN MARZO ANDABAMOS NA LEA DE SEGUIR COÑECENDO A CERVANTES, QUE XA É UNHA TRADICIÓN NO NOSO COLE.
ESTA VEZ UN POEMA DESTE AUTOR PERCORREU TÓDOLOS RECUNCHOS DO COLE, TANTO QUE ATA CHEGAMOS Á COCIÑA...

CONTACONTOS EN ACCIÓN: DÍA DO LIBRO INFANTIL

FOI UN DÍA ESPECIAL PARA TODAS AS BIBLIOTECAS ESCOLARES.
GRAZAS A TODOS OS AUTORES QUE NOS REGALAN TANTAS HISTORIAS COAS QUE SOÑAR
OS CONTACONTOS EN ACCIÓN NON PODÍAN DEIXAR PASAR ESTE DÍA SEN AGASALLARNOS CO SEU BO FACER:
DOUS CONTOS CLÁSICOS CUN TOQUE MOI PERSOAL..

BIBLIOTECARI@S:UN CURSO PLENO DE VIVENCIAS

VALE MÁIS UNHA IMAXE QUE MIL VERBAS...POUCO SE PODE DICIR PORQUE AS IMAXES FALAN POR ELAS MESMAS.
QUERID@S BIBLIOTECARIOS, SENTÍMONOS MOI ORGULLOSOS DE VÓS.

BIBLIOPEQUES NAS ONDAS DO MIÑO PROG.3 -4ª PARTE

NON É REPETILOS...É QUE COMO ESTÁN PRA COMELOS GÚSTANOS COMPARTILOS UNHA E OUTRA VEZ...E OS REPORTEIROS NON SON PARA MENOS!!

A SEMANA DA PAZ NA BIBLIOTECA: "SOLO TRES LETRAS"

ESTE CURSO ELEXIMOS O POEMA DE GLORIA FUERTES "SÓLO TRES LETRAS" PARA  QUE NOS SERVISE DE INSPIRACIÓN EN TÓDALAS ACTIVIDADES QUE SE PLANIFICARON DENDE A B.E. E DENDE A NOSA PRODUTORA ESCOLAR "OS OLLOS DO MIÑO PRODUCIÓNS".
GLORIA FUERTES É UNHA FONTE INAGOTÁBEL DE RECURSOS LITERARIOS PARA OS MÁIS PEQUENOS, PERO PARA O NOSO COLE TEN UN SIGNIFICADO ESPECIAL, XA QUE, GRAZAS ÁS EXPERIENCIAS LEVADAS A CABO NO CURSO 2012-13 POLAS QUE FORON AS NOSAS MESTRAS PATRICIA DOVAL E CRISTINA PAMPÍN, FOMOS, XUNTO CON OUTROS CENTROS, PREMIO NACIONAL DE INNOVACIÓN EDUCATIVA POLO PROXECTO COLABORATIVO GLORIA FUERTES.
A NOSA LEMBRANZA E CARIÑO PARA PATRI E CRIS, QUE XA ANDAN POR OUTROS COLES SEMENTANDO INNOVACIÓN E BO FACER.
E GRAZAS, GLORIA, POR POR DEIXAR UNHA PEGADA DE TENRURA QUE NUNCA ACABA.

CONTACONTOS NO EXTERIOR: AS ONDAS DO MIÑO PROG. 3 2ª PARTE

NESTE PROGRAMA A MÚSICA E A TENRURA DUNHA FERMOSA HISTORIA DE AMOR FAN AS DELICIAS DOS MÁIS ROMÁNTICOS. A RESIDENCIA DE ANCIÁNS DE CRECENTE RECIBE UNHA VISITA MOI ESPECIAL: OS CONTACONTOS EN ACCIÓN DO 3º CICLO ESTRÉANSE COMO NARRADORES DE HISTORIAS FÓRA DO NOSO COLE.

BIBLIOPEQUES

OS MÁIS PEQUENOS DO COLE, GUIADOS POLOS NOSOS BIBLIOTECARI@S EN ACCIÓN, FALAN DA BIBLIOTECA...UNHA TENRURA TAL, QUE SALTÓN ESTÁ PENSANDO EN CAMBIAR A SÚA DIETA DE COMELIBROS, PORQUE ESTÁN PRA COMELOS!!

FALEMOS DE PAZ

COMO NON, A BIBLIOTECA ESCOLAR TEN UN PAPEL PROTAGONISTA CADA ANO DURANTE O MES DE XANEIRO. CON MOTIVO DA CELEBRACIÓN O 30 DESTE MES, DO DÍA INTERNACIONAL POLA PAZ, A BIBLIOTECA ÉNCHESE DE PALABRAS SOLIDARIAS, XENEROSAS, TOLERANTES, E ESTE 2014, EN VARIAS LINGUAS. ADEMÁIS, COMO NON PODE SER MENOS, GLORIA FUERTES, A QUEN LLE GARDAMOS ESPECIAL AFECTO NESTE COLE, AGASALLOUNOS CUN DOS SEUS POEMAS: "SÓLO TRES LETRAS".
OS OLLOS DO MIÑO PRODUCCIÓNS ELABOROU ESTA REPORTAXE MONOGRÁFICA QUE AGORA COMPARTIMOS CON TODOS VÓS.

QUE A PAZ SEXA UNHA REALIDADE NAS VOSAS VIDAS.